Epaitegiak berriro ere arrazoia kendu dio UPNri eta Labaren terraza babestu du. Iruñeko Gaztelu plazan hasieratik terraza paratzeko eskubidea izan dute eta hori berretsi du orain auzitegiak.
Administraziorekiko-auzibideak deuseztatu du UPN Iruñeko Udalean indarrean zegoenean hartutako erabakia eta egindako errekurtsoak. 2022an Laba zabaldu zutenetik, kafetegi izaeragatik terraza jartzeko lizentzia eskatu eta hura izatea zegokion eta 20 hilabetez terrazarik gabe egon da elkartea, diru galerak eraginez.
Errekurtsoa atzera bota eta kostuak ordaintzera kondenatu ditu errekurtsogileak. Foru Gobernuak terraza lizentzia emateko agindua jaso, eta hala egin zuen. Lehenik ebazpen baten bidez eta ondoren, Lurralde Kohesiorako kontseilariaren foru agindu baten bidez. Azkenik, Labak terraza zabaltzea lortu zuen, duela lau hilabete, iazko urriaren hasieran.
