2021eko uzta txarraren eraginez, Principe de Viana Upategietako enpresa batzordeak enpresak galerak dituela iragarri du. Hartara, kaleratzeak, soldatak ez aplikatzea eta, neurri horiek nahikoak ez badira, aldi baterako lan-erregulazioa aplikatzea planteatzen du zuzendaritzak. Neurriak Murchanten zein Cadreitan dauden egoitzetan planteatzen dituzte eta, guztira, 90 pertsona ari dira bi upategietan lanean; ziurgabetasun egoeraren aurrean, langileek mobilizazioak iragarri dituzte
Gaur bertan, enpresaren eta batzordean arteko bilera deitu dute eta CCOOko, UGTko eta ELAko ordezkariek, elkarretaratzea deitu dute Murchanteko upategien atarian, arratsaldeko 15:00etan. Ahalik eta bizkorren jaso nahi dute informazioa sindikatuetako ordezkariek, neurriak aplikatu ez daitezen, eta ezin bada, langileentzat kalte gutxien eragin dezaten.
