Zentsura mozioa aurkeztu eta astebetera Iruñeko gehiengo aurrerakoiak lortu du abenduaren 28tik aurrerako gobernu akordioa. Aldaketaren lehentasunak ezartzeaz gain, talde egitura eta kontrol mekanismoak adostu dituzte EH Bilduk, Geroa Baik eta Zurekin Nafarroak. PSNk ez du gobernuan parte hartuko baina egonkortasuna emanen dio Asironen alkatetzari.
Arratsaldean azalduko dituzte alderdietako kideek akordioaren xehetasunak.
Udal Gobernu berriak, aurrekoaren egitura mantenduko du, alkatetza eta 7 alor izanik banatu beharreko lanak.
EH Bilduk, EH Bilduk bere gain hartzen ditu Ogasuneko eta Giza Baliabideetako zinegotzi delegatuak; Gobernu Estrategikoa, Hirigintza eta Etxebizitza; Kultura (horren menpe egongo da Euskara eta Hezkuntzako zinegotzi berezi bat); Proiektuak, Hiri Kontserbazioa, Mugikortasuna eta Jasangarritasuna; Berdintasuna eta Herritarren Segurtasuna. Geroa Baiko bi zinegotziak, turismoa eta merkataritza eta Gazteriaren arloko ardurak hartuko dituzte. Azkenik Zurekin Nafarroako Txema Mauleonek Gizarte Ekintza zuzenduko du.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
