Iruñeko Udalak 20.000 udal egutegi banatuko ditu gaur, hilak 14. Hiriko hamabost tokitan jaso ahalko da dohainik. Jende pilaketa saihesteko asmoz hainbat gunetan banatuko da goizez zein arratsaldez. Pertsona bakoitzak gehienez bi egunkari har ditzake.
Ohikoa den moduan, egutegia Enfoca lehiaketan hautatutako argazkiak biltzen ditu eta elebiduna da. Aurkeztu diren 479 argazkietatik, hamabi hautatu dira, hilabete bakoitzerako bat, Iruñeko une eta kokapenak jasotzen dituztenak. Gainera, aurten paperean eskuratzeaz gain, udalaren webgunean digitalki deskargatzeko aukera egongo da.
Banaketari dagokionez, Civivox eraikinetan eta udaletxean banatzeaz aparte hurrengo tokietan banatuko da, zehazki: Kultura Sailaren egoitzan (Descalzos kalea 72); Sanduzelaiko, Mendillorriko, Iturramako, Zabalguneko eta Jus la Rochako Civivoxetan; Gazteriaren Etxean; Erripagañako zentroan; Txantreako Salestarretan; Santa Maria La Realen; eta Etxabakoitz, Ermitagaña eta Buztintxuriko zentro komunitarioetan ere banatuko dira.
José Luis Sanagericok irabazi du Enfoca lehiaketa 'Luces y sombras' argazkiarekin eta 900 euroko saira jaso du. Bigarren saria Pedro Pileño Malvarri eman diote, 'Encrucijada' lanagatik, 600 eurokoa; eta hirugarren saria Endika Donamaria Azparrenek eskuratu du, 'Neguko gau ilunak' lanarekin.
