Euskal Herria Bilduk baieztatuta ikusi du azken lau urteotan salatutakoa. Joxe Abaurrea zinegotziak azaldu duenez, “Puntuz puntu bete da iragartzen ari ginena; lau urteko atzerapena, gezurrak, ilegaltasunak, gastua hirukoiztea…”. Indar subiranistako zinegotziaren esanetan, “UPNk seriotasunik eta zintzotasunik gabe jokatu du zaldainaren auzian, auzi politiko bihurtu zuenetik”.
“Gastatutako 1.6milioi horiek berreskuratzeko bermerik ez dago” salatu du Abaurreak, “Lotsagarria da, eskandalu handia funts publikoen kudeaketan”. EH Bilduk argi du, ardura politikoak eskatzeaz gain, “Xahututako diru guztia berreskuratzea exigituko” diotela UPNri. “Gastatuko guztia berreskuratzen ez bada, ondare erantzunkizun pertsonalak eskatuko ditugu arduradun politikoek beren poltsikotik ordain dezaten” gaineratu du EH Bilduko zinegotziak. “Ez dugu onartuko herritar guztiek haien arduragabekeria ordaintzea” adierazi du Joxe Abaurreak.
