Naizen Elkarteko bozeramaile Bea Severrek argitu bezala, horrelako hitzaldiak beharrezkoak dira transexualitatearen inguruan dagoen ezezagutzari aurre egiteko, eta azken hamarkadetan egin den bidean aurrerapausorik ez emateko. Saenzen hitzaldia gaur, arratsaldeko 19:00etan izango da, Baluarteko Bulevar aretoan, sarrera librearekin.
Pertsona transexualen legezko aitorpenari eragiten dioten gaiak, funtsean, giza eskubideekin eta baita berdintasun eta duintasun baldintzetan erabateko herritartasun zibila eskuratzearekin lotutako gaiak direla nabarmendu du Severrek. "Bi hamarkadatan zehar, baieztapen horren errekonozimenduak berekin ekarri du mendebaldeko estatuetako pertsona transexualen ondoz ondoko hobekuntza eta deskriminalizazioa, tradizioz oinordetzan jasotako diskriminazioa eta kriminalizazioa desagerrarazteko ahaleginean".
Hala ere, aurreko urteetan, maila globalean antolatutako eztabaida handia piztu da trans pertsonen errekonozimenduari, asistentziari eta gizarte-inklusio baldintzei buruz, Naizen Elkarteko bozeramaileak azpimarratu bezala. "Eztabaida hori Europako ekialdeko eta AEBetako hainbat estatutan legeztatutako bereizketa- eta diskriminazio-lege ugaritan gauzatu da. Debate hori atzerapausoen eta berdintasun-parametroak alde batera uztearen beharrari eusten dioten hainbat artikuluren eta diskurtsoren protagonista izan da, eta horiek informatzen jarraitzen du; eta diskurtso hori gure herrialdean ere oharteman daiteke".