Artean, doako bestelako proposamenak ere badaude: ostegunean The Titanians iruindarren kontzertua emanen da Rockolection aretoan eta larunbatean bilboko Akatz taldeak bermutaren orduari erritmoa jarriko dio Zaldi Zurian. Aurten, jaialdiari lotuta eratzen den arte erakusketak pisu nabarmena hartu du programazioan: "I am (a) soul" erakusketa kolektiboak bederatzi emakumezko nafarren lanak bilduko ditu. Gaur ospatuko da irailaren 25a arte ikusgai egonen den erakusketaren inaugurazioa, Kondestablearen jauregian.
