Olaia Inziarte musikari oronoztarrak kontzertua emanen du gaur 20:00etan Konpainia plazan, Iruñeko Udalaren Sanferminetako jai egitarau ofizialaren eskutik.
Inziartek Lehengo lepotikan burua bere bakarkako lehen lan luzeko kantuak ekarriko ditu Sanferminetara, baita aurten karrikaraturiko Denak begira daudelaik singlea ere.
Diskoan sonoritate tradizionalena abangoardistarenarekin harilkatu du. Diskoa, oro har, pop ilun baten baitan dabilen arren, Nafarroako herri kantutegiari erreferentzia etengabeak dauzka. Melodia gogoraerraz eta alternatiboetan oinarritutako eraginen bilduma bat da, etxearen eta sustraien baitan ari dena, modu intimoan beti ere.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
