Eroriko eta kolpe anitz gaurko lasterketan. Fuente Ymbroko sei zezenek abiadura handiz ekin diote entzierroari. Erratza bailiran egin dituzte 800 metro luzeak.
Gaztainkara koloreko zezenak eragin ditu kolpe eta une arriskutsu gehienak. Estafetan hiru korrikalariren aurka egin du, haietako bi airetara jaurtiz eta kolpe latzak eraginez. Estafetan ere beste adardun batek irrist egin du eta hiru korrikalari eraman ditu aurretik.
Plazara bananduta iritsi da taldea, hiru adardun aurretik eta beste hiru atzetik.
Azkenean bi minutu eta hogeita bat segundu iraun du entzierroak. Zazpi erietxeratu izan dira azkenean, denak kolpeengatik nahiz eta hasiera batean esan duten haietako bat adarkada batengatik izan dela esan duten.