78ko Sanferminak gogoan ekimeneko kideek ongietorria eman nahi izan diete bertaratu diren pertsona guztiei. Eszenatoki erraldoia prestatu dute Orreaga etorbidean ekitaldia egiteko, izan ere, musikari ezberdinak parte hartuko dute. Iruñeko peña ezberdinak ere ekitaldira gerturatu dira eta lore eskaintza egin dute.
Musikariek protagonismoa hartuko dute 78ko Sanferminak gogoan ekimenak urte guzti hauetan memoria berreskuratu eta bizirik mantentzeko hainbat musikarik egindako lana azpimarratu nahi izan duelako.