Ekainaren 9an argitaratuko dira Iruñeko haur-eskola publikoetako onartuen zerrendak

Euskalerria Irratia 2023ko eka. 1a, 18:14
Deskargatu Info Ahotsak :

Lezkairuko haur eskola.
  • Matrikula egiteko epea ekainaren 9tik 16ra izango da, biak barne.
  • Erreklamazioak familiek aurkeztutako edo Administrazio Publikoetatik eskuratutako agiri berriak kontuan hartuta ebatziko dira.

Iruñeko haur-eskola publikoetako onartuen behin betiko zerrendak ekainaren 9an, ostiralean, argitaratuko dira. Behin-behineko zerrendetarako aurkeztutako alegazioak aztertu ondoren hemen argitararuko dira behin-betiko zerrendak: pamplona.es webgunean, Hezkuntza Departamentuak horretarako gaitzen duen webgunean, navarra.es atariko izapideen katalogoan eta eskainitako ikastetxe bakoitzean, baita Udalaren titulartasunekoetan nola Nafarroko Gobernukoetan ere. Matrikula egiteko epea 2023ko ekainaren 9tik 16ra izanen da, biak barne.

Udalaren eta Nafarroako Gobernuaren zentroak barne hartzen dituen Iruñeko Haur Eskola Publikoen Sareak 0 eta 3 urte bitarteko haurren 1.574 eskaera jaso ditu datorren ikasturterako. Horietatik guztietatik, % 86,5 (1.362) Udalaren titulartasuneko eskoletarako ziren eta % 13,5 (212) Foru Gobernukoetarako.

Onartuen behin-behineko zerrendak maiatzaren 9an argitaratu ziren, eta erreklamazioak egiteko epean 375 aurkeztu ziren. Aurreko urteetako datuekin alderatuta “kopuru hori oso handia” dela adierazi du Udalak. Izan ere, 2022an 69 izan diren hain zuzen ere jasotako erreklamazioak. Gehienak Gizarte Segurantzan alta emateko agirien aurkezpenari buruzkoak izan dira. 375 erreklamazioak aztertzeko orduan zorroztasun juridikoa bermatzeko behin betiko zerrendak beranduago argitaratu eta matrikula egiteko epea atzeratu da, Hezkuntza Saila eta Iruñeko Udalaren administrazioetako zerbitzu juridikoek egindako txostenak ez baitzetozen bat.

Azkenik, Hezkuntza Sailak eta Iruñeko Udalak erabaki dute Iruñeko Udalaren titulartasuneko haur-eskoletako plazen eskaerei dagokienez aurkeztutako erreklamazio gehienak (erreklamazioen % 95, gutxi gorabehera) eta Iruñeko haur-eskoletarako sarbidean berdintasun-printzipioa bermatuko duen irizpide bakarra izateko premiaren aurrean, erreklamazio horiek ebazteko Iruñeko Udaleko Aholkularitza Juridikoaren Zuzendaritzak adierazitako irizpidea erabiltzea.

Gizartea Iruñea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea