Maiatzaren 26an zabalduko dute Gazteluko plazan Nafarroako III.Liburu azoka eta ekainaren 4a arte izanen da irekita. Hogeita hamar postu baino gehiago irekiko dituzte hamazazpi liburu dendek: Abarzuza, Arcos, Arista, Chundarata, Elkar Comedias, Elkar Leire, Karrikiri, Katakrak, Menades, Miriam, Muga, Nerea, Troa, Walden, Elizondoko Akelarre, Eguesibarko La Valeta eta Tuterako Letras. Horiez gain Nafarroako Gobernuko Publikazio Zerbitzua izanen da eta Editargi.
Liburuak sustatzea eta irakurzaletasuna indartzea ditu helburu azokak. Ohiko liburu dendetan lortzen ez dutena kalean eginen dute: erakusleihoa da Gazteluko plaza, jende gehiagorengana iristeko aukera ematen diena. Goizeko 10:30etatik 14:00etara eta arratsaldez 17:00etatik 21:00etara izanen dira postuak zabalik. Liburu aurkezpenak, tailerrrak eta ekitaldi ugari ere izanen dira.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!