Nafarroako Volkswageneko enpresa batzordeak elkarretaratzea deitu du "Nafarroako auto sektorearen etorkizuna babesteko" eta enpresa-batzordearen batasuna erakusteko, datorren astelehenean, 10:00etan, Landabengo lantegiko ate nagusian.
Enpresa-batzordeak ohar batean azaldu duenez, enpresa hornitzaileen batzordeetako ordezkariak ere deitu dituzte kontzentraziora. Ekitaldi horretan, "Foru Erkidegoko auto sektorearen etorkizunaren aldeko dokumentu bat" formalizatu eta sinatuko dute. Dokumentua Volkswagen Taldeko arduradunei bidaliko die Nafarroako VWko Enpresa Batzordeko Idazkaritzak.
Oharrean, "beharrezkoak" diren ekoizpen-bolumenak defendatzen ditu batzordeak, "hainbeste urtetan guztion ahaleginarekin sortu dugun fabrika-egitura mantentzeko, enplegua eta sortzeko gaitasuna eta enplegagarritasuna bermatzeko".
Halaber, Nafarroako egoitzan "gure lantegiak ikuspegi teknologikotik proiektatuko duen, kalitatezko enplegua bermatuko duen, enplegua sortzeko balioko digun eta ingurumen-inpaktua gutxituko duen" bateriak eraikitzeko proiektu baten alde agertu da enpresa batzordea. Gaineratu duenez, "hori guztia proiektu bideragarri, errentagarri eta azkar amortizagarri batean oinarrituta dago".
