Elma Saiz Nafarroako Gobernuko kontseilari bozeramaileak asteazken honetan adierazi duenez, Iruñeko Udalerako hautagai gisa duen zereginari aurre egiteko Gobernuan jarraitzearen edo ez jarraitzearen inguruko erabakia "berandu baino lehen iritsiko da" eta "horren berri emango du".Hala ere nabarmendu nahi izan du Nafarroako Gobernuko bozeramaile eta Iruñeko Udalerako PSNren hautagai gisa duen egoera "guztiz bateragarria" dela.
Horren parean, Nafarroako Gobernuak, asteazken honetako bilkuran, Jesus Mª Rodriguez Toki Administrazioko eta Despopulazioko zuzendari nagusia, Olga Chueca Nafarroako Autonomia eta Pertsonen Garapenerako Agentziaren zuzendariordea, eta Txema Mauleón Gizarte Eskubideen Saileko kabineteburua kargugabetzea erabaki du, hiruek hala eskatuta, hauteskundeetako zerrendaren bateko kide direlako. Apirilaren 24tik aurrera, orain arte Gizarte Eskubideen Saileko kabinetako idazkaria zen Muskilda Osteritzek ordezkatuko du Txema Mauleon kabineteko buru gisa.
