Asteazkenean auzo batzarra eginen dute Donibanen Iruñeko Udalak San Juan Xar Txiki lokalaren alokairua ordaintzeari uko egin diola jakinda. "Otsailean iragarri ziguten kolaborazio akordioa ez dutela berrituko" adierazi du Euskalerria Irratian Itxasne Zabalzak San Juan Xarreko kideak, "Saiatu gara Gobernu taldearekin hitz egiten eta momentuz ezezkoa soilik jaso dugu haien partetik".
"2019an hartu genuen lokala, auzotarren partetik 39.000 euroko inbertsio handia eginez eta auzolanean moldatu genuen jarduerak egin ahal izateko. Iruñeko Udalak alokairua ordaintzen zuen, 7.000euro urtero emanez" azaldu du Zabalzak, "San Juan Xar Txikin, auzoko txiki eta nerabeei zuzendutako jarduerak egiten ditugu: Xake, poliekintzak, eskola laguntza, hiri kanpaldiak... auzoko txikien parte hartzea sustatu nahi dugu bertan".
"Txikien Irria, Donibane Bizia" bilera irekira dei egin dituzte auzokideak, asteazken honetan, martxoak 22, arratsaldeko 18:30ean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!