Gidatzen zuen autoa bidetik atera da eta eraikin baten zutabearen kontra jo du. Goizeko 8:00ak aldera jazo da ezbeharra Donibane auzoko Zilbeti Monasterioaren kalean, Iruñeko Udaltzaingoak adierazi duenez.
Osasun-zerbitzuak, suhiltzaileak eta udaltzainak bertaratu dira. Gidaria suspertzen saiatu arren, hil egin da. Diario de Noticias egunkariaren arabera, Udaltzaingoa gertatutako ikertzen ari da eta ez da baztertzen gidaria autoaren kontrola galdu aurretik zorabiatu izana eta haren heriotza arrazoi naturalengatik izatea.