Ostegun gizenak hasiera eman die herri askotako inauteriei. Iruñerriko eta Nafarroako herri askotan mozorroak prest dituzte jada eta festaz betetako asteari hasiera emango diote asteburuan.
Larunbatean, Iruñean Kaldereroek Alde Zaharreko kaleak zeharkatuko dituzte. Elizondon eta Donezten berriz, karrozek zeharkatuko dituzte herriko kaleak. Eta atarrabian, industriales eta landakoz jantziko dira eta kaleetatik Mari, Atarrabi eta Mikelats ikusi ahalko ditugu. Martingalaren pertsonai nagusiena ere asteburuan ikusi ahalko dugu. Lukas Aierbekoa Atarrabian bizi izan zen eta Burlatan sorginkeri batzuk egin omen zituen. Beraz, larunbatean Burlatan akerburuak, txakurburuak eta Lukas Aierbekoa topatuko dituzue.
Eta igandean, kontuz! Kokoa dator eta. Iruinkokoa iruñeako inauteria euskaldunaren txanda izango da. Beran, aldiz, Iñude eta artzaien txanda. Urrunean kriskitinak entzuten dira eta Lesakako mairuak eta goitarrak ditugu. Unanuan mamuxarroak aterako dira eta Lantzen pertsonai ezagunen txanda izango da, Miel Otxin, Ziripot, Txatxoak eta Zaldikoak alde batetik bestera ibiliko dira Lantzen.
Pertsonai beldurgarriei ere irekiko die bidea asteburuak. Altsasun, inauteri txikiak ospatuko dituzte igandean, eta astearte arratsaldean, momotxorroek odolaren errituala eta akelarrea egingo dute.
