Ezberdinkeria sozialei eta egoera zaurgarrian dauden herritarrei irtenbideak ematea ezinbestekoa dela adierazi du EH Bilduk, politika publikoak indartuz.Hauteskundeak Euskal Herriaz hitz egiteko aukeratzat ditu alderdiak: "Euskal Herriak erregenerazio bat behar du", adierazi du koordinatzaile nagusi den Arnaldo Otegik.
Ardura hori izanen duen lantaldea aurkeztu dute, gaur: Nafarroako Laura Aznal eta Joseba Asiron, Arabako Eva Lopez de Arroyabe eta Rocio Vitero, Gipuzkoako Maddalen Iriarte eta Juan Karlos Izagirre eta Bizkaikoi Iker Casanova eta Maria del Rio.
Alderdiak Euskal Herri osokorako proiektu politiko bat ordezkatzen duela adierazi dute, eskuina alde batera utziko dutela maiatzean, eta herritarren ondoan izanen direla. Bi eredu izanen dira aukeran maiatzeko hauteskundeetan Laura Aznal foru presidentegaiaren iritziz: "EH Bildurena eta aski ezaguna den eskuinarena".
