Navarra Sumak orain dio ez duela erabakita Gazteluko plazan barrak berriz jarriko dituen

Euskalerria Irratia 2022ko abe. 2a, 08:20
Gazteluko plaza, Sanferminetan, tabernarien barrarik gabe. (Argazkia: Xabier Letona)

Udalbatzak 2023ko Sanferminetan ostalarien etxolak berriro paratzearen aurkako adierazpena onartu du

PSNk aurkeztu du adierazpena eta EH Bilduk zein Geroa Baik alde bozkatu dute. Bi puntu ditu. Lehenean, deitoratu egiten da barrak berriz jartzeko Maia alkateak eta Garcia Barberena zinegotziak adierazitako asmoa. Bigarrenean, exijitzen zaio alkateari ez dezala inolako erabaki garrantzitsurik hartu 2023ko Sanferminetara begira aldez aurretik Sanferminetako Mahaian eztabaidatu eta adostu gabe.

Maia alkateak eta Garcia Barberena zinegotziak publikoki arrakastatsutzat jo zuten barren funtzionamendua iragan sanferminetan, eta datozenean ekimena errepikatzeko asmoa azaldu zuten. Horren aitzinean, Gazteluko Plazako auzokide talde batek oharra plazaratu zuen, barrak gogor kritikatuz eta Navarra Sumako udal aginte taldearen jarrera salatuz. PSNk horren ondoren aurkeztu zuen adierazpena.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!