Elma Saiz Nafarroako Gobernuko Ogasun kontseilaria eta bozeramailea izango da PSNren Iruñeko alkategaia. Izendapena gaur goizean baieztatu du Santos Cerdan diputatu eta PSOEko Antolakuntza idazkariak, Cadena Ser irrati-katean antolatutako ekitaldi batean. Cerdanek esan duenez, "hautagai bikaina da eta Iruñeko hurrengo alkatea izango da".
Saiz duela gutxi izendatu zuten Nafarroako Gobernuko bozeramaile, Txibitek argudiatu zuenez, “ekonomiari pisu handiagoa emateko”. Geroztik, asteazkenero agertzen da prentsaren aurrean, ohiko gobernu saioarne ondotik.
2019an Maite Esporrin izan zen sozialisten zerrendaburua. Bigarren postua bete zuen Elma Saizek. Zuzenbidean lizentziatua, Aholkularitza Fiskalean masterra du. Abokatua eta aholkularia da Imel Consultores-en. Espainiako Gobernuaren Nafarroako ordezkaria izan zen, Nafarroako Berdintasunerako Institutuko (INAI) zuzendaria eta foru parlamentaria. Gaur egun, PSNko Eskualdeko Batzorde Exekutiboko Zerga eta Finantza Politikako idazkaria da.
Primarietara aurkeztuko naiz Iruñeko @PSNPSOE hautagaia izateko, ilusio eta grina handienarekin
— Elma Saiz Delgado (@SaizElma) November 22, 2022
Iruñean jaio nintzen, naizen guztiaren lekuko da, nirekin doa eta beti presente dago nire baitan
Iruñea hiri bat baino gehiago da. Iruñea sentimendu bat da. pic.twitter.com/njNyfcovV1
