Aske utzi ditu Espainiako Poliziak urriaren 12an Nabarrerian gertatutakoagatik atxilotutako bi lagunak. Jarduneko Nafarroako kide baten atxiloketaren berri eman du goizean Aske antolakundeak.
🚨🚨ADI! 🚨🚨Polizia Nazionalak nafarroan Jardun-eko kide bat atxilotu du, hurrengo orduetan informazio gehiago zabalduko da.
— Aske Antolakundea (@aske_eh) October 20, 2022
Gerora argitu du urriaren 12ko manifestazioaren harira eman dela atxiloketa, Iruñean. "Gorroto delitua leporatzen diote atxilotuari", zehaztu dute. Bi pertsona atxiki ditu denera Espainiako Poliziak. Desordena publikoak, gorrotoa, etsaitasuna eta diskriminazioa sustatzea egozten zaie. Atxiloketak salatzeko elkarretaratzea antolatu du Aske antolakundeak, 20:00etan, Nabarrerian.
Urriaren 12ko manifestazioaren harira eman da atxiloketa Iruñean. Gorroto delitua leporatzen diote atxilotuari.
— Aske Antolakundea (@aske_eh) October 20, 2022
Arratsaldeko 20:00etan kontzentrazioa egingo da Nabarreria plazan. https://t.co/qEqfxD0nGY pic.twitter.com/B839JhhZff
Nabarrerian protesta antolatu zuen Jardun koordinakundeak, Hispanitatearen egunean, urriaren 12an. Manifestari eta Espainiako bandera zeraman herritar baten arteko istiluak izan ziren, eta gertatutakoa ikertuko zuela iragarri zuen Iruñeko Udalak.
