Eresia artedrama lan bat da, antzerkia, bertsoak eta dantza uztartzen dituena. Oholtzaren gainean, Oier Zuñiga beraz gain, Belen Cruz aktorea eta Eneko Gil dantzaria ariko dira. Zuñigak bere amaren heriotzaren karietara sorturiko ikuskizunak espazio fisiko eta estetiko bat eskaintzen dio doluari, modu publikoan eta kolektiboan hausnartzeko heriotzak eragiten digun minaz. Zuñigak Udalbiltzaren Geuretik sortuak egitasmoaren laguntzaz osatu zuen lan hau.
Oier Zuñigaren ‘Eresia’, gaur Antzerki Eskolan ikusgai
Iruñeko Udalak antolaturiko Antzerki Aroa zikloaren barruan, Oier Zuñiga ilustratzaile eta dramaturgo iruindarraren Eresia: lurra arin bekizu, ama ikuskizuna taularatuko dute gaur, 19:00etan, Nafarroako Antzerki eskolan. Sarrerak zortzi euroan dira salgai.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
