Gaurtik aurrera ostiralera bitarte “Trantsizioa eta giza eskubideak: errepresioa, tratu txarrak eta torturak...” izenburupean jardunaldiak eginen ditu Sanferminak 78 gogoan elkarteak.
“La secreta de Franco. La Brigada Político-Social de la Dictadura” liburuaren aurkezpena eginen du Pablo Alcantara egileak, gaur, Plazaran. Bihar, asteazkenarekin, mahai-inguru bat eginen dute, poliziak gauzatutako tratu txar eta torturen inguruan. Pau Pérez Sales psikiatrak, Mikel Soto Nolasko, Nafarroako Torturatuen Sareko kideak eta Jorge del Cura Antón, Estatu espainiarrean tortura errotik kentzearen aldeko aktibistak hartuko dute parte.
Ostegunean, “Giza eskubideak, errepresio lekuak eta memoria tokiak” hitzaldia eskainiko du Sonia Olivella, Bartzelonako IRIDIA giza eskubideak defendatzeko zentroko partaideak ; eta ostiralean amaitzeko “Bi arnas” dokumentalaren proiekzioa antolatu dute.
