Enrique Maya Iruñeko alkateak asteazken honetan iragarri duenez, 2022an Iruñeko kaleetan 30 zaintza-kamera gehiago jarriko dituzte urtea amaitu baino lehen. Dagoeneko hamaika ditu instalaturik udalak, gehienak alde zaharrean.
Horrek talka egiten du erabat Navarra Sumaren Iruñeko buruak Udaltzaingoaren Egunaren hitzartzean azpimarratu zuenarekin. Izan ere, bertan atzo nabarmendu zuen Iruñea "oso hiri segurua" dela. Maiaren hitzetan, inkesta baten arabera, Nafarroako hiriburua, Europako 86 hiriren artean, hirugarrena da segurtasunari dagokionez eta, hori kontuan hartua bertan bizitzeko asebete azaldu dira herritarrak. "Oso hiri segurua dugu" adierazi zuen eta datu gehiago gaineratu: Iruñea dago lapurreta gutxien gertatzen diren hirien lehen postuan, eta bigarrena kale lapurreten indizean.
