Gizon bat atxilotu dute Iruñean sexu erasoa egotzita

Euskalerria Irratia 2022ko ira. 12a, 07:51

Atzo goizaldeko 4:00ak aldera jazo zen erasoa Ziudadelan. Lekukoek atxiki zuten gizonezkoa, Iruñeko udaltzainek atxilotu artean.

Yaguas Miranda kalearen eta Miserikordia Etxearen arteko eremuan gertatu zen sexu erasoa, atzo. Poltsoa ahaztu zuela konturatuta, Ziudadela ingurura itzuli zen emakume bat, goizaldeko lauak aldera. Gizon bat hurbildu zitzaion, orduan; lurrera bota zuen, eta ukituak egin zizkion.

Emakumearen lagun batek eta inguruan ziren hiru gazte magrebtarrek haren oihuak entzun zituzten, eta laguntzera gerturatu ziren. Erasotzailea atxiki zuten, Iruñeko Udaltzaingoa heldu bitartean. Udaltzainek polizia etxera eraman zuten atxilo gizonezkoa, eta epailearen esku jarriko dute laster.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!