Txistularien doinuekin hasiko da festa, eta gauera arte ez du etenik izanen. 11:45ean izanen da txupinazoa, baina aurretik ariko dira zezentxoak edota Barañaingo kilikiak, Alde Zaharreko kale ezagunetik. Eguerdian pintxoak izanen dira taberna eta peñetan. Txiki eta zaharrei omenaldia eginen zaie 13:00etan; eta, ondoren, Jarauta Kantuzek alaituko du bermuta. Pettik girotutako herri bazkaria 15:00etan izanen da.
Arratsaldean, berriz, mus txapelketa lasterra eginen da La Viñan. Santa Ana plazan Albert Moon, La Vieja Guardia, Desversiones Rock Band, Maldita Amusia eta Impedancia ariko dira.