TxalaTap Aura Teatro taldearen musika eta dantza ikuskizuna da. Klake dantzari bat bi txalapartarirekin batera aritzen da, erritmoz eta mugimenduz beteriko ikuskizuna eskaintzeko.
Errepertorioan askotariko piezak daude sarturik, batzuk umorez zipriztinduak, esate baterako, jazz musika, erritmo afrikarrak eta ekialdekoak, euskal printza batzuekin batera. TxalaTap saioaren bidez, jendeari erakutsi nahi zaio klakea diziplina moldakorra dela, eta lotzen zaion iruditik urrun dauden era bateko zein besteko musika-estilo eta erregistroetara egokitu daitekeela.
Publikoak ez du ikusiko kopa-kapelarik, frakik, lentejuelarik edota Broadway moldeko dantzari talderik. Aurrekari horiekiko mirespena eta errespetua agerian badaude ere, ikuskizun honetan diziplina horri buruzko ikuspegi modernoagoa eskaintzen da.
19:00etan taularatuko dute, auzoko civivoxean. Sarrerak euro batean dira salgai.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!