Iruñeko Alde Zaharreko gazten ibilbideaz, auzoaren historiaz eta etorkizunaz hausnartzeko egitaraua prestatu du gazte mugimenduak. Joanes Arangurenekin mintzatu da Euskalerria Irratia.
Zein da Gazte Astearen helburua?
Pandemia dela eta bi urte daramatzagu elkartu gabe, eta iruditu zaigu momentu ona zela bueltan elkartu eta erreferentzialtasuna irabazteko ere gazte mugimenduaren partetik. Horretarako, iruditu zaigu egun tradizional bat baino interesgarriagoa zela aste bat antoaltzea. Normalean bestara bideratzen dira horrelako egunak, eta guk egitarau politiko eta kultural eskaini nahi dugu. Baita ere besterako aukera emanen duena, gazteriarekin bueltan konektatu ahal izateko.
Gazte astearen egitaraua egun bakoitzeko.
— AZGM (@azgm_irunea) May 10, 2022
Animatu! pic.twitter.com/hbF1w1HIIp
Ekimen guzti horien artean, bideo zaintzen aurkako kalejira azpimarratu nahi izan duzue.
Iruñeko Udalak esan berri du auzoan 29 kamera berri jarriko dituztela. Hauetako bakoitzak 9000 euroko gastua izango du. Jada 106 kamera daude segurtasun eta trafiko kamerak kontuan hartuta. Kamera berri hauekin ia 128 izanen dira. Kontutan izanda Alde Zaharrean 11.500 biztanle garela, gutxi gorabehera 90 biztanleko kamera bat izanen dugu. Krisi testuinguruan antolakuntzak gora egin dezake, eta aurreko krisi garaian mozal legea jarri ziguten moduan, orain kamerekin datoz. Ikusten dugu beharrezkoa dela aurka larunbatean kalera ateratzea.
Nola eragiten dizue gazteei kameren presentziak?
Esperientziatik diogu, gure egunerokotasuneko gauzetarako ez dute balio kamerek. Bizikleta lapurtzen badizute, adibidez. Kamerei kasu egiten diete gu kaletik gabiltzanean propaganda politikoa jartzen edo gure egunerokotasuneko militante gauzak egiten. Gazte antolakuntza eta orokorrean antolakuntza oztopatzeko jarriko dituzte, eta iruditzen zaigu gure auzo eredu idealean honek ez duela kabidarik.
Argazkia: AZGM
