Iruñerriko Kontseilu Sozialistak okupatutako Gelbentzuko zinema hustu dute

Euskalerria Irratia 2022ko api. 20a, 10:02

Iruñeko Zentro Sozialista ezarri nahi izan du bertan antolakundeak, baina hori galarazi duen "polizia jazarpena" jasan dutela salatu dute. Gaur protesta eginen dute, 19:00etan.

Hilaren 16an, aurreko larunbatean, Iruñerriko Kontseilu Sozialistak okupatutako Arrosadiko Gelbentzuko zinema hartzen zuen eraikina hustu dute Udaltzaingoak eta Espainiako Poliziak. Atzo eguerdian hustu zuten eraikina. Udaltzaingoaren arabera, jabeak salaketa bat erregistratu ondoren, sartzeko baimena eskatu zioten atzo epaitegiari. Une horretan, Udaltzaingoak, Polizia Nazionalarekin lankidetzan, pertsona talde bat eraikinera sartzea galarazi zuten. Eraikinean sartu zirenean ez zen inor geratzen barruan. Gazteek atzo arratsaldean salatu zutenez, ez dute agindu judizialaren berririk izan. 

“Desalojoaren aurrean Zentro Sozialistak aurrera” lelopean elkarretaratzea antolatu dute, 19:00etan Gelbentzu kalean, hustutako eraikinaren parean.  

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!