52 urteko langile bat hil da astearte arratsaldean Iruñeko Milagrosa auzoko obra batzuetan izandako lan-istripuan. Hildako langilea Portugalgo Teixeira (Bragança) herrikoa da, nafar batekin ezkonduta dago, bi alaba ditu eta Iruñean bizi zen. Auzoa birmoldatzeko lanez arduratzen ari den Mariezcurrena eraikuntza enpresarentzat lan egiten zuen.
Istripua 15:00etan gertatu da, obretan dagoen Arrosadia auzoko kale horretan, eta langilea berehala hil da, antza denez, orga jasotzaile baten besoak (zehazki, manipulatzaile teleskopiko batena) harrapatuta.
medikalizatutako anbulantzia bat mediku taldearekin eta Cordovillako suhiltzaileak bertaratu dira, baina ezin izan dute ezer egin beharginaren bizitza salbatzeko, eta udaltzainak arduratu dira ikerketaz.
Hildako bat Arrosadian, lan istripuan
Lan istripua Urrobi ibaiaren kaleko obra batean gertatu da, orga baten besoak langilea jo duelarik. Zendutakoa Mariezcurrena eraikuntza enpresako langilea zen, 52 urte zituen, Iruñean bizi zen, eta bi alaba txiki ditu. Aurten EUskal Herrian 18 lagun zendu dira jada lan istripuan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
