Gurasorik gabe diren haur etorkinen kontrako adierazpenak biderkatu ditu Nafarroako eskuinak azken asteotan. "Eskuin muturraren diskurtsoa bere egin nahi dute interes alderdikoiei erantzuten" salatu du Euskalerria Irratian, EH Bilduko zinegotzia den Eva Arangurenek.
"Bere gabeziak estali eta VOXen bozkak eskuratzeko abiatu du Maia alkateak azken kanpaina xenofoboa" adierazi du Eva Arangurenek. "Arduragabekeri galanta iruditzen zaigu, fokoaren erdigunean, haurrak jarri dituelako, babesik gabeko haurrak" salatu du EH Bilduko zinegotziak. Iruñea Harrera Hiria dela gogoratu du Arangurenek eta horrek konpromezu eta jarrera aktiboak exijitzen dituela azaldu.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
