Iruñeko Udalak irailean martxan jarri zuen araututako aparkaleku sistema Txantrean, Sanduzelain eta Arrotxapeako iparraldean, aparkalekuen erabilera eta baliagarritasuna bermatzeko helburua zuela azalduta. Bada, bi hilabete eta erdi pasa direnean, zonalde urdin eta laranjak gehien erabiltzen dituztenak auzokide edo guneetako bizilagunak dira.
Datuek agerian uzten dute batetik, erabiltzaileen erdia bizilagun txartela dutenak direla eta bestetik, ibilgailuen errotazioa edo leku aldatzea %7 eta %11ren bitartekoa dela.
Sistema martxan jarri aurretik gogoratu beharra dago, Udal agintariek emandako datuen arabera, ia autoz "erabat betetzen zirela etengabe gune hauetako kaleetako bazterrak" eta orain okupazioa goiz eta arratsaldez "libre dagoen plaza kopurua %37aren bueltakoa" dela. Hala azaldu dute gaurkoan prentsa ohar bidez aurkeztutako datuekin.
Zehazki ibilgailuen errotazioa markatutako aparkatzeko guneetan %11,50 inguru da Sanduzelain, %9,7 Txantrean eta %7,6 Arrotxapeako iparraldean.
