Editore Independenteen Nazioarteko Aliantzak eta Editargik antolatutako topaketak azaroaren amaieran iritsiko dira Iruñera. Baluarten izango dira Edizio Independentearen Nazioarteko Topaketak eta bertan, presentzialki zein bideodei bidez, sektorearen egoeraz eztabaidatu eta globalizazioaren mehatxupean den edizio independentea birpentsatzeko gakoak landuko dituzte.
Munduko 55 herrialdetako 750 editore independente baino gehiago biltzen dituen nazioarteko sarea osatu dute Editore Independenteen Nazioarteko Aliantzak eta Editargik, Nafarroako Editoreen Elkarteak.
Iruñekoa laugarren edizioa izango da. Aurretik 2003an Dakarren (Senegal), 2007an Parisen (Frantzia) eta 2014an Lurmutur Hirian (Hego Afrika) egin da liburu editore independenteen nazioarteko topaketa hau.
Topaketak Editargik antolatutako Nafarroako Editoreen Azokaren egitarauaren baitan antolatu dituzte. Azoka, hilak 25etik 28ra bitarte eginen dute Gaztelu Plazan. Bosgarren edizioa izanen da.
Jardunaldietan izena emateko aukera, eta informazio osoa honako estekan kontsulta daitezke: https://babelica.alliance-editeurs.org/es/participer/
