NUP Euskaraz taldeak unibertsitatean euskara sustatzeko aldarrikapena biderkatuko du datozen egunotan. Goizean goiz abiatu dute euskararen aldeko kanpaldia, Arrosadiko kanpusean. Lau egunez, hitzaldiak, solasaldiak eta protestarako uneak izanen dira unibertsitatean.
Hainbat gradutan euskarazko kredituak murriztu dituztela salatu dute ikasleek, baita irakasle euskaldunen ordezkapenak erdaldunek hartzen dituztela ere. Gizarte laneko graduan bost ikasgai gehiago eskaini ditu euskaraz NUPek, aurten. Lehen maila osoa euskaraz ikasi ahalko da. Iazko lorpenik handiena da, NUPeko Euskara taldearentzat. Baina aldaketa txiki bat baino ez.
Egoera salatzeko azaroaren 6rako manifestazioa antolatu dute, Baratxurien plazatik irtengo da, eguerdian.
