Ablitasen aurkeztu zuten eta ‘Herriak egiten du herria’ izango da aurtengo udazken kanpaina lagunduko duen esaldia. Urriaren 23tik azaroaren 11ra luzatuko den auzolan-ariketa erraldoi honetan Nafarroako hegoalde eta produktuz osatutako 3 saski eskainiko dituzte eta horien balioaren %25 zonaldeko euskalgintzari bideratuko zaio.
Saskiak beltza, berdea eta zuriak izango dira. Lehena betikoa da, bigarrena produktu ekologikoak dituena eta hirugarrena gutiziaz osatutakoa. Horiek www.errigora.eus webgunean, herriz herri eta auzoz auzo laguntza ematen duten elkarte edo guneetan edo Errigoraren telefonora deituta eskatu daitezke, hau da 848 87 12 23 zenbakian (Iparraldetik deituta 532093545).
Errigorarekin batera sortu zuten iaz Agerraldia mugimendua, Erriberan euskararen aldeko herri-mugimendua auspotzeko helburuarekin.
