Hasi dira UEUren udako ikastaroak

"Akademiatik herrigintzara, herrigintzatik akademiara" jardunaldiarekin abiatu dira 49. edizioko Iruñeko eskolak.

Aurrez aurrekoaren aldeko apustua egin du UEUk, eta Katakraken eta Ezpeleta eta Kondestablearen jauregietan izanen dira aurten. Astelehenetik asteazkenera arte jarraituko dute eta zazpi eskainiko dituzte, guztira.

Euskalgintza eta Ekonomia Soziala landuko dituzte astelehenean. Asteartean hasiko da Katakraken, Udako Bertso Eskola. Nafarroako konkistaren testuingurua eta ondorioak landuko dituzte asteazkenean. Eta Nafarroako Gobernuak lagunduta irakaskuntzan euskararen erabilera indartzeko hiru saio eskainiko dituzte.