Matxista izatea egotzi diote Navarra Sumako Javier Labairuri

Eremu urdinaren inguruko eztabaidan, EH Bilduko zinegotzi emakumeak zeudenez, alderdi abertzalearentzat "garrantzi gutxiko" afera dela ondorioztatu du hiritar segurtasunerako zinegotziak.

Eremu urdinaren gaia aztertzeko Iruñeko Udaleko batzordean, beste gai bat ere izan dute eztabaidagai. Navarra Sumako Javier Labairuk iradoki du EH Bildun "gai garrantzitsuei" buruz "alfa arrak" aritzen direla, eta eztabaidan Eva Aranguren eta Maider Beloki zeudenez, ondorioztatu du alderdi abertzalearentzat garrantzi gutxiko afera dela eremu urdinarena. Matxismoa leporatu diote alderdi guztiek, eta azkenean barkamena eskatu du.