Gauerdian gertatu da istripua Donibane auzoko Martin Azpilkueta kalean. 32 urteko gaztea oinezkoen pasabide semaforizatu bat zeharkatzen ari zen, Baiona etorbidetik zetorren auto batek harrapatu duenean. 80 metro ingurura jaurti zuen kolpeak, eta berehala zendu zen.
26 urteko gazte bat ari zen autoa gidatzen, eta istripuaren lekutik alde egin zuen ezbeharraren ondoren. Arga ibaiaren ondoan aurkitu du Udaltzaingoak, autoan ziren beste hiru gazterekin batera. Lau bidaiariak identifikatu eta polizia-etxera eraman dituzte.
Gidaria atxilotu egin dute, eta lau delitu egotzi dizkiote: zuhurtziagabekeria larriagatiko homizidioa, alkoholaren eta drogen eraginpean gidatzea, ausarkeriaz gidatzea eta istripua izan den lekutik joatea, biktimari behar bezalako arretarik eman gabe.
Udaltzaingoaren atestatuen taldeak auzia ikertzen jarraitzen du, eta litekeena da goizean zehar atxilotua epailearen esku uztea.
Diario de Navarrako langileek elkarretaratzea egin dute 13:00etan, Pablo Salinas hil duen dueluaren seinale.
