Aniztasun izan da historiaren motorra. Aniztasun genetikoa, ekologikoa, kulturala. Hala uste dute arrazakeriaren kontrako Nafarroako koordinadorako kideek. Egun, baina, kultur aniztasuna galtzen ari dela ohartarazi dute. Nafarroako gizartea askotarikoa da: jatorri, kolore, hizkuntza, erlijio eta folklore anitz dute nafarrek. Eta ezaugarri hori berria ez dela gogorarazi dute.
Guztientzako bizimodu duina bermatzeko aniztasuna ardatz izanen duen proiektu politikoa garatu behar dela defendatu dute. Oinarrizko desberdintasunak betikotzen dituen pribilegioen sistemaren aurka, arrazismoaren aurkako batasuna beharrezkotzat jo dute eta generoa, klasea eta arraza kontuan hartuko dituen bizikidetza eraiki behar dela.
Nafarroako aniztasun kulturala agerian utziko du koordinadorak antolaturiko jarduerak. Gazteluko plazan izanen da eta pregoia Paskuala Amador ijitoak emanen du.
