Iruñean inoiz egin den hipika ekitaldirik jendetsuena agindu du Navarra Sumak. Irailean egin nahi du, baina itxura txarra hartu diote jardunaldiari EH Bilduk eta Geroa Baik. Udaleko Hirigintza zinegotzia Nafarroako hipika Federazioko kidea da eta UPNko zinegotzi ohi eta parlamentari ohi bat Amaia Otamendi arduratzen da proiektuaz.
Caballerok zehaztu duenez udalak ez dio Amaia Otamendiren arkitektura bulegoari ezer eskatu. Zizurko zaldi zentroak egin du. Baina udalak eskatu dio zentro horri jardunaldia antolatzeko.
35.000 euro bideratuko ditu Iruñeko Udalak ekimenera, eta babeslea izanen da ez antolatzailea. Bihar prentsaurrekoa eskainiko du udalak xehetasun gehiago emateko.