Ezbeharra N-121 errepideko 39,4 kilometroan gertatu da, 13:00ak aldera, bi ibilgailuk aurrez aurre jo dutenean. Hildakoa 23 urteko iruindarra da.
Istripuaren lekura Foruzaingoa eta Guardia Zibila bertaratu dira, anbulantziaz eta SOS Nafarroako helikoptero medikalizatuaz gain, eta bi zaurituak Nafarroako Ospitalera eraman dituzte.
Errepide berean 41. kilometroan beste istripu bat gertatu da, goizaldean. Bi autok aurrez aurre jo dute eta lau pertsona zauritu dira ezbeharrean. Tafallako osasun etxera eraman dituzte horietako hiru eta laugarrena larriago, Nafarroako Ospitalera.
