Arrotxapean eta Burlatan hamar gazte atxilotu eta bi astera, manifestazio jendetsua egin zuten larunbatean Arrotxapeako kaleetan zehar, helburu nagusi batekin: atxilotuei elkartasuna adieraztea. Polizia operazioa amaitu bada ere, prozesu judizialak aurrera jarraitzen duela salatu zuten, akusazio "oso larriekin".
Ehunka gazte eta bizilagun atera ziren kalera, atxiloturiko auzokideei babesa adierazi eta operazioa salatzeko, beraz, eta martxaren amaieran salatu zuten epaitzen ari direla "jarduera politikoa baino ez" dela.
Polizia operazioa, "jazarpen eta errepresioaren lehendabiziko pausua" izan zela gogoratu zuten, eta orain prozesu judiziala iritsiko dela, delitu larriak leporatuta, alde kriminala osatzea egozten baitie Espainiako Poliziak atxilotutakoei.
Arrotxapea auzoko bizilagunek kritikatu zuten "kuadrilla bat talde kriminal" bihurtu nahi izatea, argi eta garbi esan zieten mutilei hemendik aurrera ez direla bakarrik izango.
Polizial ugari izan zen larunbat arratsaldean Arrotxapean, eta horri ere erreparatu zioten manifestariek.