Arrotxapeko zortzi gazte atxilotu ditu Espainiako Poliziak

Euskalerria Irratia 2021ko api. 27a, 11:41
Deskargatu Info Ahotsak :
Español English Français Català Galego

(@ahotsaInfo)

Espainiako Poliziak miaketak egin ditu Arrotxapea auzoan, eta zortzi gazte atxilotu ditu. "Talde kriminala osatzea" leporatzen diete. Euskalerria Irratiak baieztatu duenez, operazioa sumario sekretupean dago.

Iruñeko Arrotxapea auzoan miaketak egin ditu gaur goizean Espainiako Poliziak, eta oraigoz zortzi gazte atxilotu ditu. Material informatikoa, suziriak eta pegatinak eraman dituzte. Ahotsa.info atariak aditzera eman duenez, talde kriminal bat osatzea leporatzen diete, Iruñeko epaitegi batek emandako atxilotze aginduan azaltzen denez. 

 Zortzi atxilotuak Nafarroako hiriburuko Udaltzaingoaren egoitzara eraman dituzte, eta 16:30ean oraindik ezin izan dute defentsekin egon. Arrotxapeko gaztetxeko Twitter kontutik zabaldu dutenez, ez dituzte gaur askatuko.

Atxiloketak salatu eta atxilotuak askatzea aldarrikatzeko elkarretaratzea eginen dute, 20:00etan, Arrotxapeko Plaza Gorrian, Erasoen aurrean klase elkartasuna lelopean.

Politika Iruñea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!