Larunbatean, apirilaren 17an, Preso Politioken Nazioarteko Eguna izan zen, eta horren karietara, Sortuk manifestazioak egin zituen Hego Euskal Herriko hiriburuetan. Euskal preso politikoen auzia “konpontzeko” unea dela uste du alderdiak; “arazo politikoetarako konponbide politikoak” ezartzeko unea.
Euskal preso, erbesteratu eta deportatu politikoak "gatazka politiko baten ondorio" direla salatu zuten larunbateko manifestazioko deitzaileek; “neurri politikoak” aplikatu dizkietela, “euskal independentismoa kaltetzeko".
Nabarmendu zuten azken urteetan ezker abertzaleak eta euskal gizarteak gatazkaren konponbiderako pausu esanguratsuak eman dituztela, eta Espainiak ezin duela beste alde batera begiratzen jarraitu: konponbiderako eta elkarbizitza demokratikorako erabakien ardura berea dela. Eta horrek, Sorturen aburuz, “preso politikoen askatasuna” eskatzen du.