Foruen plazako tuneletatik bizikletatik jaitsita joan behar dela dioen ikur berriak ez du oinarri legalik. Ez da Zirkulazio Erreglamendu Orokorrean azaltzen; beraz, ez du legezko debeku edo agindurik ezartzen. Atzo jarri zituen Iruñeko Udalak.
Iruñeko Udalaren asmoa da Foruen plazako tuneletatik txirrindulariak oinez pasatzea; tartea estua denez, oinezkoekin arazorik ez izateko. Horretarako jarritako ikurrek, ordea, ez dute askorik lortuko, ez baitute legezko oinarririk.
Irudian, bizikletatik jaitsita agertzen da txirrindularia, baina bide-seinale hori ez dago arautua, eta ez du legezko baliorik. Iruñeko Udalak bizikletatik jaitsiarazi nahi baditu txirrindulariak tarte horretan, bizikleten zirkulazioa debekatzen duen ikurra jarri beharko du.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
