Gaur estreinatu da Iturrrama institutoko jolastokiko estalki berria. "20 urte eman ditugu hemendik pasa garen zuzendariok eskatzen eta azkenean lortu dugu" adierazi du Arantxa Irisarrik, ikastetxeko zuzendariak. 782m2 ko kirol zelaia estali dute "Euria egiten duen egunetan babestu eta heziketa fisikoko klaseetarako aproposa izanen da" azaldu du.
Duela 20 urte hasi zen Iturrama institutoko jolastokia estaltzeko eskaria. Bertako ikasleek, euritik babesteko tokirik gabe, auzoko Lopez frontoira jo dute askotan. Zuzendaritza ezberdinak pasa dira ikastetxetik, kontseilari asko Nafarroako Gobernutik. 2020ko aurrekontuetan zuzenketa sartu zuen EH Bilduk obra hauek ordaintzeko eta lau hilabeteren ostean gaur zabaldu dute. 392.000 euroko aurrekontua izan du.
Carlos Gimeno, Hezkuntza Kontseilaria, izan da Iturrama Institutoan. Berako Toki Ona institutoan, Leitzako Amazabalen, Doneztebeko San Miguel eskolan, Villatuertako San Veremundo eskolan, Berbinzanako Arga Ibaia eskolan eta Burlatako Ermitaberrin, antzeko obrak eginen dituela iragarri egin du.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
