Douglas enpresak kaleratzeak eta Espainiako 45 denden itxiera aurreikusten dituen lan erregulazio espedientea aurkeztu du. Nafarroan Itaroako eta Donibaneko dendak itxi nahi ditu, eta hamar langile kaleratu. Hori dela eta, martxoaren 12an eta 18an bi greba egun eginen dituzte, ELA sindikatuak deituta.
Douglasen gehiengoa duten UGT sindikatuaren ustez, "enpresak enplegu-erregulazioko espedientea justifikatzeko alegatutako arrazoiak ez dira justifikatu, eta aurkeztutako bideragarritasun planak alde batera uzten ditu langileak". Greba babestu du.
Enplegu-erregulazioko espedienteari erantzunez, UGT, CCOO eta USO sindikatuek proposamen sorta bat aurkeztu dute "enplegua defendatzeko eta ahalik eta denda gehien ixtea saihesteko". Hala, "emaitza ekonomiko positiboa duten dendak ez ixtea" eta "emaitza negatiboak izan arren garrantzi estrategiko berezia duten dendak ez ixtea" proposatu dute, "bakarrak direlako probintzia edo eremu geografiko garrantzitsu batean".
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!