Iruñeko zezen-plazan terrazak ezartzea aztertuko du Iruñeko Udalean. Bihar ospatuko den Covid-19 Batzorde Berezian udal taldeek bi proposamen jasoko dituzte.
Herritarren Segurtasunerako Sailak egin du proposamenetako bat: Estafeta kaleko ostalari batzuen eskaerari erantzunez zezen plazaren inguruan bost karpa jartzea aurreikusten du.
Bigarren ekimena EH Bilduren udal taldeak proposatu du: Gabonetako azokan gertatzen den bezala, plaza terrazak hartzen dituen gune gisa erabiltzea planteatzen du
Bilduk Miserikordia Etxearekin akordio batera iristea proposatu du, "betiere pandemiaren denbora-eremuaren barruan, Alde Zaharreko edo inguruko ostalaritzarako, terraza jartzeko aukerarik ez badute".