Iruñeko Udalak debekatu egin die deitzaileei Sarasate pasealekuan megafonia-ekipoa jartzea eta azken ekitaldirako agertokia jartzea, 15 egun lehenago jakinarazi ez dela argudiatuta.
"Adierazpen askatasunari zuzenean erasotzen dioten ageriko trabak, eta salaketa soziala, kasu honetan tortura, isilaraztea helburu dutenak", salatu dute Nafarroako torturatuen saretik, eta "errealitate hori ezkutatzen jarraitzeko saiakerak ez duela desagertzea lortuko, ezta Nafarroako erakundeei horri buruzko ikerketa ofizial bat egiteko gure eskaera isilaraztea ere".
Hori dela eta, larunbatean Iruñean kaleak hartzeko deia luzatu diote Nafarroako gizarteari, ikerketa ofizial bat eskatuz eta aitortza, erreparazioa eta ez errepikatzea exijituz.