Iruñeko Udal Haur Eskolak erakunde autonomoak ireki du dagoeneko 2021 – 2022 ikasturteari begira 0-3 urte bitarteko adingabeek hiriko haur-eskola publikoetan izena emateko hurrengo kanpainarako aurretiazko hitzordua eskatzeko epea. Martxoaren 15era arte eska daiteke hitzordua, hiru bide erabiliz: 948 420 098 telefonora deituz edo online Iruñeko Udalaren Egoitza Elektronikoan (www.pamplona.es) edo erakunde autonomoaren webgunean bertan (www.pamplona.es/escuelasinfantil).
Iruñeko haur eskola publikoetan izena aurrez emateko epea martxoaren 1etik 15era izango da. Aurten ere, aurreinskripzio hori egiteko behar den dokumentazioa autobus-geltoki zaharrean emango da, zehazki, Tutera kaleko 4. zenbakiko beheko solairuko nasetako batean. Datorren ikasturterako aurreinskripzioari, haur-eskolei, hizkuntza-ereduei, tarifei edo puntuen baremazioari buruzko informazio guztia erakunde autonomoaren webgunean kontsulta daiteke: www.pamplona.es/haureskolasinfantil. Bertan, 'Iruñeko haur eskola publikoetan sartzeko gida. 2021/22 ikasturtea)
